Ադրբեջանի զինված ուժերի ցամաքային պոտենցիալը լրջագույնս վնասված է․ Արծրուն Հովհաննիսյանը՝ առաջնագծում վարձկաններ ներգրավելու մասին

Այսօր ևս շարունակվել են մարտական գործողությունները, ողջ օրվա ընթացքում, սակայն, որևէ նշանակալի դիրքային փոփոխություններ տեղի չեն ունեցել: Այս պահի դրությամբ էլ մարտերը շարունակվում են:

Այդ մասին «Հայկական միասնական տեղեկատվական կենտրոն»-ում հրավիրված մամլո ասուլիսում ասաց ՀՀ պաշտպանության նախարարության ներկայացուցիչ Արծրուն Հովհաննիսյանը՝ ընդգծելով, որ առավոտից թշնամու զորքերն ու ահաբեկչական խմբավորումները, վարձկանները, հրոսակախմբերը տարբեր ուղղություններով շարունակել են հարձակողական գործողությունները՝ հիմնական փոքր խմբերով ու օջախային հարձակումներով։

Նա հիշեցրեց, օրվա ընթացքում հրապարակվել է գերի վերցված ևս մեկ վարձկան ահաբեկչի հարցաքննությունը, ով խոստովանել է, թե ինչպես հավաքագրվել, վճարվել ու օգտագործվել մեր դեմ։

«Նրանցով առաջին գծում կոնկրետ խնդիրների կատարման փորձերը վկայում են նաև այն մասին, որ Ադրբեջանի զինված ուժերի ցամաքային պոտենցիալը լրջագույնս վնասված է, և հիմնական հույսը մնացել են այս վարձկանները»,-ընդգծեց Հովհաննիսյանը։

Արծրուն Հովհաննիսյանի ճեպազրույցի մանրամասները՝ տեսանյութում։