Онлайн
Հայաստանի պաշտպանության նախարարության (ՊՆ) մամուլի խոսնակ Շուշան Ստեփանյանը Twitter-ում կատարած գրառմամբ ներկայացրել է գերեվարված սիրիացի հերթական վարձկան ահաբեկչի՝ հարցաքննությանը պատմածը։
«1988-ին ծնված Յուսուֆ Ալաաբեթ ալ Հաջիի խոսքով՝ նրան խոստացել են ամսական $2000 աշխատավարձ Արցախում «անհավատների» դեմ կռվելու համար և լրացուցիչ $100 «պարգևավճար» յուրաքանչյուր գլխատված անհավատի համար»,-գրել է Շուշան Ստեփանյանը։
Artsakh DA units captured one more Syrian terrorist mercenary who fought on Azerbaijan's side.
According to Yusuf Alaabet al Haji, born in 1988, he was promised 2000$ montly for the fight against "infidels” in Artsakh an additional 100$ "reward" for each beheaded infidel. pic.twitter.com/YUrsnOMCA1
— Shushan Stepanyan (@ShStepanyan) November 1, 2020
Այսօր ավելի վաղ Արցախի պաշտպանության նախարարությունը հայտնել է, որ Պաշտպանության բանակի ստորաբաժանումների կողմից մարտական գործողությունների ընթացքում գերեվարվել է հերթական սիրիացի վարձկանը՝ Սիրիայի Իդլիբ նահանգի Ջեսրալ Շուուր շրջանի Զիյադիյա գյուղի բնակիչ Յուսուֆ Ալաաբեթ ալ Հաջին, որը ամուսնացած է, ունի 5 երեխա:
Արցախի նախագահի մամուլի քարտուղար Վահրամ Պողոսյանի տեղեկացմամբ՝ սիրիացի ահաբեկչին այսօր գերեվարել է Արցախյան առաջին պատերազմի լեգենդար հրամանատար, «Արցախի հերոս» Վլադիմիր Բալայանի որդին՝ Ալեքսեյ Բալայանն՝ իր ընկերների հետ միասին:
