Ոչնչացվում են ադրբեջանական տանկերը և կենդանի ուժը

ՀՀ պաշտպանության նախարարության մամուլի խոսնակ Շուշան Ստեփանյանն ադրբեջանական տանկերի և կենդանի ուժի ոչնչացման տեսանյութ է հրապարակել։

Շուշան Ստեփանյանը հայկական զինուժի կողմից ադրբեջանական մարտական տեխնիկայի խոցման մեկ այլ տեսանյութ ևս տարածել է։

Հիեցնենք՝ այսօր ժամը 07:15-ի սահմաններում, Ադրբեջանը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական ողջ շփման գծով։

Արցախի պաշտպանական գեատեսչության հաղորդմամբ՝ հակառակորդը, ռազմական ավիացիայի, անօդաչու թռչող սարքերի, զրահատեխնիկայի ու հրետանու կիրառմամբ, գրոհներ է ձեռնարկում առաջնագծի տարբեր հատվածներում, Պաշտպանության բանակիառաջապահ ստորաբաժանումները հաջողությամբ հետ են մղում հակառակորդի բոլոր գրոհները:

Ճշտված տեղեկություններով ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

Արցախում հայտարարվել է ռազմական դրություն և զորահավաք։