Եգիպտոս, Շրի Լանկա, Կիպրոս թռիչքների թույլտվություն չկա․քաղաքացիներին հորդորվում է փաթեթներ չգնել

ՀՀ էկոնոմիկայի նախարարության Զբոսաշրջության կոմիտեն քաղաքացիներին հորդորում է զերծ մնալ չհաստատված թռիչքներով զբոսաշրջային փաթեթների ձեռքբերումից։

Կոմիտեից հայտնում են, որ ՀՀ Պարետի և տարածքային կառավարման և ենթակառուցվածքների նախարարության քաղաքացիական ավիացիայի կոմիտեի կողմից դեպի Եգիպտոս, Շրի Լանկա, Կիպրոս ուղղություններով չարտերային թռիչքների իրականացման թույլտվություն առկա չէ՝ մինչև Հայաստանում արտակարգ դրության ավարտը։

«Ուստի, հորդորում ենք հետագա խնդիրներից և անհարմարություններից խուսափելու համար զերծ մնալ չհաստատված թռիչքներով զբոսաշրջային փաթեթների ձեռքբերումից»,- նշում են կոմիտեից։

Հիշեցնենք՝ Հայաստանում արտակարգ դրության ռեժիմի ժամկետը մինչև օգոստոսի 12-ն է՝ ժամը 17:00-ն ներառյալ: Իշխանությունները դիտարկում են այն ևս մեկ ամսով երկարաձգելու հարցը։

Այս ընթացքում դադարեցված են կանոնավոր ավիափոխադրումները, իրականացվում են միայն չարտերային թռիչքներ` Հայաստան վերադառնալ ցանկացող ՀՀ քաղաքացիների և հայրենիք մեկնող օտարերկրացիների համար։

Պատրաստեց՝ Լիաննա Մարգարյանը