Онлайн
Ռուսաստանի Պետական դուման նախօրեին առաջին ընթերցմամբ ընդունել է օրինագիծ, որը նախատեսում է ճանաչել Հայաստանի քաղաքացիների ազգային վարորդական իրավունքի վկայականները՝ Դաշնության տարածքում ձեռնարկատիրական կամ աշխատանքային գործունեություն իրականացնելու պարագայում:
«Նախատեսվող փոփոխությունները ենթադրում են Ռուսաստանի Դաշնության տարածքում Հայաստանի Հանրապետության քաղաքացիների ազգային վարորդական վկայականների ճանաչում՝ տրանսպորտային միջոցներ վարելու հետ կապված ձեռնարկատիրական և աշխատանքային գործունեության իրականացման պարագայում»,-ՏԱՍՍ լրատվական գործակալության փոխանցմամբ՝ ասվում է օրինագծում։
Գործակալությունն ընդգծում է, որ ներկայում նմանատիպ նորմը կիրառվում է Ղրղզստանի և այն պետությունների քաղաքացիների համար, որոնց օրենսդրությունը սահմանում է ռուսերենի գործածումը՝ որպես պաշտոնական լեզու:
Ավելի վաղ հայտնել էինք, որ ՌԴ կառավարությունը վերոնշյալ օրինագիծը ներկայացրել է Պետդումա։
