Онлайн
Wizz Air Abu Dhabi ավիաընկերությունն այսօրվանից՝ փետրվարի 7-ից, մեկնարկել է Աբու Դաբի-Երևան-Աբու Դաբի երթուղով չվերթերը:
Այդ մասին հայտնում են «Արմենիա» միջազգային օդանավակայաններ» ՓԲԸ-ից՝ նշելով, որ չվերթերը կիրականացվեն շաբաթական երկու չվերթ հաճախականությամբ՝ յուրաքանչյուր երկուշաբթի և ուրբաթ:
Հիշեցնենք՝ ՀՀ նախագահի աշխատակազմը նախորդ ամիս հայտնել էր, որ Արաբական Միացյալ Էմիրություններ (ԱՄԷ) աշխատանքային այցի ընթացքում այդ ժամանակ նախագահ Արմեն Սարգսյանն ԱՄԷ բարձրաստիճան պաշտոնյաների հետ պայմանավորվածություն է ձեռք բերել երկու երկրների միջև օդային հաղորդակցության ոլորտում համագործակցության ընդլայնման, մասնավորապես, առաջիկայում դեպի Երևան Wizz Air Abu Dhabi-ի թռիչքների մասին։
