ՀՀ Ազգային ժողովն (ԱԺ) այսօր շարունակել է Կառավարության հնգամյա ծրագրի՝ օգոստոսի 24-ից սկսված քննարկումը։
«Քաղաքացիական պայմանագիր» խմբակցության անունից ելույթ է ունեցել խմբակցության ղեկավար Հայկ Կոնջորյանը՝ իր և խմբակցության անունից ներողություն խնդրելով վերջին մի քանի օրերին ԱԺ նիստերի դահլիճում տեղի ունեցած անընդունելի միջադեպերի կապակցությամ։ Նա հույս է հայտնել, որ այսուհետ, հնարավորինս, կկանխեն նման միջադեպերը:
Կոնջորյանն իր դիրքորոշումը հայտնեց նախորդ օրը նիստերի դահլիճում «Հայաստան» խմբակցության ղեկավար Սեյրան Օհանյանի վարքագծի վերաբերյալ՝ այն որակելով որպես հարված ՀՀ ժողովրդին:
Անդրադառնալով ծրագրի երկու կարևոր բաղադրիչներին՝ երկրի ներսում իրավունքի և օրենքի դիկտատուրայի հաստատմանը և Հայաստանի շուրջ խաղաղ զարգացման դարաշրջանի բացմանը՝ Կոնջորյանը նշել է.
«Մենք շարունակելու ենք այս հանձնառությունը եւ պատվով իրացնելու ենք ՀՀ ժողովրդի կողմից մեզ տրված մանդատը»:
Խմբակցությունը, նրա խոսքով, կողմ է քվեարկելու փասատաթղթին:
Ի դեպ, Կոնջորյանի ելույթի ժամանակ ընդդիմությունը լքել է ԱԺ նիստերի դահլիճը, Կոնջորյանը խնդրել է Սեյրան Օհանյանին սպասել, քանի որ, նշել է, ասելիք ունի նրան։
Իշխանական պատգամավորի ելույթի մանրամասները՝ տեսանյութում։