«Կրկնում ենք մեր կոչը, քանի դեռ նոր զոհեր չեն եղել»․ ԵՄ ներկայացուցիչը՝ հայ-ադրբեջանական սահմանի լարվածության առնչությամբ

«Խոր մտահոգիչ զարգացումները շարունակվում են հայ-ադրբեջանական պետական սահմանին: Կրկնում ենք մեր կոչը՝ զսպվածության, ուժերի տարանջատման ու սահմանային հարցերով կառուցողական երկխոսության, քանի դեռ նոր զոհեր չեն եղել»,-Twitter-ում գրել է Հարավային Կովկասի և Վրաստանի ճգնաժամի հարցերով Եվրոպական միության (ԵՄ) հատուկ ներկայացուցիչ Տոյվո Կլաարը՝ ընդգծելով, որ ԵՄ-ն պատրաստ է աջակցել կողմերին։

Deeply worrying developments continue on state border. Reiterate our call for restraint and separation of forces constructive engagement on border issues before new casualties are registered. stands ready to assist the sides.
— Toivo Klaar (@ToivoKlaar) July 20, 2021

Հիշեցնենք՝ հուլիսի 19-ի երեկոյան ադրբեջանական զինված ուժերը, ժամը 18:40-ից սկսած, մի քանի ժամ շարունակ, տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի Երասխի հատվածում տեղակայված հայկական դիրքերը, որոնք դեռ նախորդ շաբաթվանից հակառակորդի նշանակետում են: Այս անգամ պարբերաբար կիրառվել են նաև ականանետեր:

Մի քանի ժամ տևած ինտենսիվ փոխհրաձգության հետևանքով հրազենային վիրավորում է ստացել Երասխ համայնքի ղեկավար Ռադիկ Օղիկյանը: Հաղորդվել է, որ նրան վիրահատում են։