Վերադարձված գերիների առողջական վիճակը կուսումնասիրվի․ ՄԻՊ աշխատակազմի բժիշկն այցելել է նրանց

Հայաստանի մարդու իրավունքների պաշտպանի (ՄԻՊ) հանձնարարությամբ Պաշտպանի ներկայացուցիչները, այդ թվում՝ աշխատակազմի բժիշկը, այցելել են Ադրեջանում գերությունից երեկ վերադարձած անձանց:

Պաշտպանի աշխատակազմից տեղեկացնում են, որ կիրականացվի նրանց առողջական վիճակի ուսումնասիրություն ու անհրաժեշտ այլ գործողություններ:

Հիշեցնենք՝ երեկ երեկոյան Հայաստան է վերադարձվել ևս 3 հայ ռազմագերի։ Մինչ օրս հայրենիք վերադարձվածների թիվն, այդպիսով, 72 դարձավ։

Հայկական կողմի տարբեր տվյալներով Ադրբեջանում անազատության մեջ է դեռ շուրջ 200 հայ ռազմագերի ու քաղաքացիական անձ։