Ադրբեջանում սիրիացի հրամանատար է սպանվել, Արցախի դեմ կռվող տասնյակ զինյալներ անհետ կորած են․ Էլիզաբեթ Ցուրկով

Թուրքիայի աջակցությունը վայելող «Ալ-Համզա» դիվիզիայի 80-րդ բրիգադի հրամանատար Օմար ալ-Ջալաբին սպանվել է Ադրբեջանում։ Այս մասին Twitter-յան գրառմամբ հայտնում է Սիրիայի հարցով ամերիկացի փորձագետ Էլիզաբեթ Ցուրկովը։ Նա հղում անելով իր աղբյուրին՝ հավելում է, որ Ադրբեջանում սպանված 9 սիրիացիների դիերը տեղափոխվել են Սիրիայի հյուսիսում գտնվող Հիվար Քիլիս։

Omar al-Jalabi, a commander of Brigade 80 in the Turkish-backed Hamza Division, was killed in Azerbaijan. 9 corpses of Syrians killed in Azerbaijan arrived today to the Hiwar Kilis crossing into northern Syria acc to a source as the crossing. pic.twitter.com/6RHiDxYAhR
— Elizabeth Tsurkov (@Elizrael) November 1, 2020

Մեկ այլ գրառման մեջ էլ Ցուրկովը նշում է, որ Թուրքիայի աջակցությունը վայելող ևս մեկ խմբավորման՝ «Սուլթան Մուրադի» դիվիզիայի տասնյակ զինյալներ անհետ կորած են Լեռնային Ղարաբաղում։

Փորձագետի խոսքով՝ զինյալները մոլորվում են, քանի որ ծանոթ չեն տեղանքին։

«Առնվազն 2 վարձկան գերեվարվել է հայկական ուժերի կողմից և հայտնվել տեսանյութում»,-գրել է նա։

There are also dozens of fighters from Sultan Murad Division, another Turkish-backed faction, who are missing in Nagorno-Karabach. Fighters are gettint lost because they're unfamiliar with the terrain. At least 2 have been captured by Armenian forces & coerced to appear on video.
— Elizabeth Tsurkov (@Elizrael) November 1, 2020

Հիշեցնենք՝ ավելի վաղ անկախ լրագրող Լինդսի Սնելը, ով այս օրերին ակտիվորեն լուսաբանում է Արցախյան գոյամարտը, Twitter-յան գրառմամբ, հղում անելով արաբական աղբյուրներին, հայտնել էր, որ ադրբեջանական զինուժի կազմում ռազմական գործողությունների մասնակցող գրոհայինների շրջանում խուճապ է: Ըստ նրա՝ «Սուլթան Մուրադ» ահաբեկչական ստորաբաժանման 250 զինյալներ հրաժարվել են մեկնել Ադրբեջան: