Онлайн
Արդեն երրորդ օրն է, ինչ թշնամու սպիտակ ֆոսֆոր պարունակող զենքի կիրառման հետևանքով վառվում են համայնքապատկան անտառային ծածկույթները, ինչը կազմում է ավելի քան 150 հա տարածք:
«Թշնամին մշտական նշանառության տակ է պահում Ննգին ու հարակից տարածքները։
Բարեբախտաբար, այսօրվա հրետակոծության ընթացքում մարդկային կորուստներից հաջողվել է խուսափել»,-Մարտունու շրջանի Ննգի համայնքի ղեկավարի խոսքերն է տեղափոխում Արցախի տեղեկատվական շտաբը։
Նշենք՝ Արցախի արտաքին գործերի նախարարությունը խստագույնս դատապարտել է Ադրբեջանի կողմից կասետային արկերից բացի նաև ֆոսֆոր պարունակող հրկիզող զինամթերի օգտարգործումը Արցախի Հանրապետության բնակավայրերի մերձակայքում գտնվող անտառապատ տեղանքներում, որտեղ հարակից գյուղերի խաղաղ բնակչության մի մասը ժամանակավորապես պատսպարվում է ադրբեջանական դիվերսիոն խմբերի գործողություններից: Ընդգծվել է, որ պաշտոնական Բաքուն, հակառակ իր հայտարարություններին, թե իբր Ադրբեջանի զինված ուժերի թիրախը միայն ռազմական օբյեկտներն են, իրականում դիմում է Արցախի քաղաքացիական բնակչության դեմ ահաբեկման մարտավարությանը:
