Онлайн
«Պռոշյան կոնյակի գործարանի» մասնաճյուղում տեղի ունեցած հրդեհի հետևանքով տուժած արական սեռի բոլոր՝ 4 պացիենտները տեղափոխվել են Այրվածքաբանության ազգային կենտրոն:
ՀՀ առողջապահության նախարարի մամուլի խոսնակ Ալինա Նիկողոսյանի տեղեկացմամբ՝ նրանց վիճակը բժիշկները գնահատում են ծայրահեղ ծանր:
«33 տարեկան` ունի վերին շնչուղիների 10% այրվածք: Ընդհանուր այրվածքային մակերեսը կազմում է 35%:
32 տարեկան` ունի վերին շնչուղիների 20% այրվածք: Ընդհանուր այրվածքային մակերեսը կազմում է 90%:
46 տարեկան` ունի վերին շնչուղիների 10% այրվածք: Ընդհանուր այրվածքային մակերեսը կազմում է 50%:
24 տարեկան` ունի վերին շնչուղիների 10% այրվածք: Ընդհանուր այրվածքային մակերես կազմում է 30%»,-ֆեյսբուքյան գրառմամբ հայտնում է Ալինա Նիկողոսյանը։
Ավելի վաղ հայտնել էինք, որ այսօր՝ ժամը 12:08-ին, հրդեհ է բռնկվել Արմավիր գյուղի «Պռոշյան կոնյակի գործարան»-ում, որը խլել է 2 մարդու կյանք, հրդեհի հետևանքով տուժել է 4 քաղաքացի։
Պատրաստեց՝ Լիաննա Մարգարյանը
