Կարեն Դեմիրճյանի արձանի և պատվանդանի պատրաստման համար պետբյուջեից 60 միլիոն դրամ կհատկացվի

ՀՀ կառավարությունը շուրջ 60 միլիոն 14 հազար դրամ կհատկացնի ՀՀ տարածքային կառավարման և ենթակառուցվածքների նախարարությանը և Երևանի քաղաքապետարանին՝ Կարեն Դեմիրճյանի արձանի և պատվանդանի պատրաստման և տեղադրման համար:

Որոշումը հաստատվել է կառավարության այսօրվա նիստում:

Պետական բյուջեից շուրջ 1,9 միլիարդ դրամ էլ կհատկացվի կրթության և մշակույթի ոլորտի շինությունների և հաստատությունների կապիտալ տարբեր ծախսերի համար:

Հիշեցնենք՝ դեռ 2019-ի օգոստոսին Կարեն Դեմիրճյանի անվան մարզահամերգային համալիրի տարածքում Կարեն Դեմիրճյանի արձանի նախագծային աշխատանքների իրականացման նպատակով ՀՀ կառավարությունը Երևան համայնքին սուբվենցիա տրամադրելու համար տարածքային կառավարման և ենթակառուցվածքների նախարարությանը կառավարության պահուստային ֆոնդից 3 մլն 281 հազար դրամ էր հատկացրել։ Նախարար Սուրեն Պապիկյանն ընդգծել էր, որ ըստ քանդակագործ Սարգիս Բաբայանի ներկայացրած նախահաշվի՝ հուշարձանի կառուցման համար անհրաժեշտ կլինի 54,2 մլն դրամ։

Պատրաստեց՝ Լիաննա Մարգարյանը