Онлайн
Հայաստանում կորոնավիրուսի կասկածով այս պահին հոսպիտալացված 6 պացիենտներից իրականացվել են նմուշառումներ՝ լաբորատոր հետազոտությունների նպատակով:
Արդյունքում թե՛ գրիպի, և թե՛ կորոնավիրուսի նկատմամբ հետազոտությունները եղել են բացասական: Այդ մասին հայտնում են ՀՀ առողջապահության նախարարությունից։
«Ելնելով նշվածից առողջապահության նախարարությունը կրկին հորդորում է խուճապի չմատնվել և հետևել բժիշկների խորհուրդներին՝ զերծ մնալով ոչ մասնագիտական ուղղորդումներից և մեկնաբանություններից»,- նշված է հաղորդագրությունում:
Հիշեցնենք՝ նախօրեին ստացված լաբորատոր թեստերի շնորհիվ Հայաստանում կորոնավիրուսի ախտորոշումն արդեն հնարավոր է։
Նշենք՝ Չինաստանում Առողջապահության ազգային հանձնաժողովի տարածած տվյալների համաձայն՝ կորոնավիրուսի զոհերի թիվը այսօրվա դրությամբ հասել է 425-ի, վարակվածներինը՝ 20 հազար 438-ի:
