Онлайн
«Մուստաֆա Քեմալ Աթաթուրք-2019» խորագրով Ադրբեջանում այսօր մեկնարկել և մինչև մայիսի 3-ը կանցկացվեն թուրք-ադրբեջանական համատեղ զորավարժություններ:
Ադրբեջանի պաշտպանության նախարարության մամուլի ծառայության հաղորդմամբ՝ զորավարժություններն անցկացվում են Ադրբեջանի և Թուրքիայի միջև ռազմական համագործակցության վերաբերյալ համաձայնագրի շրջանակում, նպատակն է՝ համակարգել երկու երկրների ռազմական ստորաբաժանումների գործողությունները, բարձրացնել զինվորականների մարտական պատրաստվածության մակարդակը:
Համատեղ զորավարժություններում երկու երկրների բանակներից ներգրավված են զրահատեխնիկա, հրետանի, ականանետեր, ռազմական ու քաղաքացիական ուղղաթիռներ, հակաօդային պաշտպանության զենիթահրթիռային ստորաբաժանումներ:
