Երևանում Քաղաքացու օրը կմեկնարկի ծառատունկով, կավարտվի՝ հրավառությամբ․ տոնական ծրագիրը ներկայացված է

Երևանի քաղաքապետարանը հրապարակել է Քաղաքացու օրվան նվիրված միջոցառումների օրակարգը:

Հիշեցնենք՝ Քաղաքացու օրը կառավարության որոշմամբ նշվելու է ապրիլի վերջին շաբաթ օրը։ Ըստ այդմ՝ այս տարի այն կտոնեն վաղը՝ ապրիլի 27-ին:

Օրվա առիթով Երևանում նախատեսվում են տասնյակ գիտական, ուսուցողական, մարզական, մշակութային և այլ միջոցառումներ:

Օրակարգը՝ ստորև․

◊ 10:00 – 11:00 Ծառատունկ՝ Կանաչ Երևան

¤ Հասցե՝ Մարտիրոս Սարյանի անվան պուրակ

◊ 10:00 – 14:00 Սպորտային Երևան

▪ 1. Շախմատային մրցաշար և միաժամանակյա խաղի սեանս

▪ 2. Շաշկու մրցաշար

▪ 3. Նարդու մրցաշար

¤ Հասցե՝ Ամիրյան – Պուշկին փողոցների միջանկյալ հատված

◊ 11:00 – 15:00 Սպորտային Երևան

▪ 11:00 – 12:00 – Բռնցքամարտիկների ցուցադրական ելույթներ

▪ 12:00 – 13:00 – Սուսերամարտիկների ցուցադրական ելույթներ

▪ 13:00 – 14:00 – Բադմինտոնիստների ցուցադրական ելույթներ

▪ 14:00 – 15:00 – Սթրիթբոլի ցուցադրական ելույթներ

¤ Հասցե՝ Պուշկին – Թումանյան փողոցների միջանկյալ հատված

◊ 11:00 – 12:30 Հանրային քննարկում՝ Իրազեկ քաղաքացի

¤ Հասցե՝ Մ. Մանուշյանի անվան պուրակ

◊ 11։00 – 17։00 Ցուցահանդես՝ Հայաստանի գորգարվեստը

¤ Հասցե՝ Ե. Չարենցի թանգարանի հարակից հատված

◊ 12:00 – 17:00 Ցուցադրական շոու՝ Միշտ դեպի վեր

Երևանի ավիամոդելավորողների ցուցադրական շոու

¤ Հասցե՝ Պուշկին – Թումանյան փողոցների միջանկյալ հատված

◊ 13:00 – 14:00 Մանկական տիկնիկային ներկայացումներ՝ Տիկնիկների աշխարհում

¤ Հասցե՝ Պուշկին – Թումանյան փողոցների միջանկյալ հատված

◊11:00 – 12:00 Կերպարվեստի միջոցառումներ Մանկական կավճանկարչություն

¤ Հասցե՝ Ազատության հրապարակ

◊ 11:00 – 18:00 «Վերնիսաժ» նկարիչների ստեղծագործությունների ցուցահանդես – վաճառք

¤ Հասցե՝ Մ.Սարյանի անվան պուրակ

◊ 12:00 – 13:00 Կավե արձանիկների ներկում

¤ Հասցե՝ Պուշկին – Մաշտոց խաչմերուկ

◊13:00 – 17:00 Կավագործության միջոցառում

¤ Հասցե՝ Ե.Չարենցի թանգարանի հարակից հատված

◊ 14:00 – 15:00 Մանկական համերգային ծրագիր՝ Երգում են երեխաները

¤ Հասցե՝ Ե.Չարենցի թանգարանի հարակից հատված

◊15։00 – 16։30 Ազգագրական համերգային ծրագիր

¤ Հասցե՝ Ամիրյան – Մաշտոց խաչմերուկ

◊ 10:00 – 18:00 Էկո քաղաք

¤ Հասցե՝ Կոմիտասի արձանի հարակից հատված

◊ 16։00 – 18։30 Կինոցուցադրություն՝ Անկախության կինո

¤ Հասցե՝ Ազատության հրապարակ

◊ 19:30 – 21:30 Արի համերգի՝ Միտքդ վա՛ռ պահիր

Եզրափակիչ գալա համերգ և տոնական հրավառություն

¤ Հասցե՝ Ազատության հրապարակ

Նշենք՝ Քաղաքացու օրվա կապակցությամբ կազմակերպված միջոցառումների մասնակիցների անվտանգությունն ապահովելու համար ապրիլի 26-ին, ժամը 23:30-ից մինչև ապրիլի 27-ին, ժամը 24:00-ն երկկողմանի փակ է լինելու Մաշտոցի պողոտան՝ Ֆրանսիայի հրապարակից մինչև Հաղթանակի կամուրջ:

Արգելվելու է երթևեկությունը Թումանյան-Սարյան փողոցիների խաչմերուկից դեպի Մաշտոցի պողոտա, Թումանյան-Տերյան փողոցիների խաչմերուկից դեպի Մաշտոցի պողոտա, Պուշկինի-Սարյան փողոցիների խաչմերուկից դեպի Մաշտոցի պողոտա, Արամի-Կողբացու փողոցների խաչմերուկից դեպի Մաշտոցի պողոտա, Ամիրյան-Սարյան փողոցների խաչմերուկից դեպի Մաշտոցի պողոտա, Ամիրյան-Զաքիյան փողոցիների խաչմերուկից դեպի Մաշտոցի պողոտա:

Միաժամանակ՝ ապրիլի 26-ին, ժամը 21:00-ից արգելվելու է տրանսպորտային միջոցների կայանումը Մաշտոցի պողոտայում՝ Ֆրանսիայի հրապարակից մինչև Մաշտոցի պողոտա-Ամիրյան փողոց խաչմերուկ:

Օրվա առիթով մարզպետարանների համակարգմամբ միջոցառումներ կանցկացվեն նաև Հանրապետության բոլոր մարզերում։

ՀՀ կառավարությունը «Քաղաքացու օրը» մարզերում և Երևանում տոնելու համար 124 մլն դրամ է հատկացրել։

Պատրաստեց՝ Լիաննա Մարգարյանը