Онлайн

Կանադայի Յարմութ քաղաքում տեղադրվելու է Հայոց ցեղասպանության որբերին փրկած Սառա Քորնինկի արձանը

2019-04-24 14:21 , Общество, 299

Կանադայի Յարմութ քաղաքում տեղադրվելու է Հայոց ցեղասպանության որբերին փրկած Սառա Քորնինկի արձանը

Կանադայի Նոր Շոտլանդիա (Nova Scotia) նահանգի Յարմութ քաղաքում սեպտեմբերից մեկնարկելու են մարդասիրական գործունեություն ծավալած կանադացի բուժքույր Սառա Քորնինկին նվիրված միջոցառումները, տեղեկացնում է horizonweekly-ն:

ՅարմութըՔորնինկի ծննդավայրն է, այնտեղ էլ պետք է տեղադրվի Սառա Քորնինկի բրոնզե քանդակը, որի հեղինակն է կանադահայ նկարիչ և քանդակագործ Կարեն Պետրոսյանը։

Սառա Քորնինկը 1919 թվականին Մերձավոր Արևելքի նպաստամատույց կոմիտեի (Near East Relief) կողմից ուղարկվել էր Միջին Արևելք՝ օժանդակելու հազարավոր հույն, հայ, ասորի գաղթականների։ Նա իր կյանքը վտանգելով՝ փրկել է Հայոց ցեղասպանությունից մազապուրծ եղած հայ որբերի։

Որպես բուժքույր, Սառան նախ հաստատվել է Հայաստանում՝ Երևանի մոտ, հարյուր հազարավոր գաղթականների կողքին, որոնցից շատերը վարակիչ հիվանդություններով էին տառապում։

Սառա Քորնինկը մահացել է Յարմութում 1969 թվականին, 97 տարեկանում։2017 թվականինՍառա Քորնինկը Տորոնտոյի հայ համայնքի կողմից արժանացել է Outstanding Canadian Award-ին:

Лента

Рекомендуем посмотреть