Онлайн

Հավատարմորեն ծառայում է արվեստին ու մշակույթին. ՀՀ նախագահ Արմեն Սարգսյանը հյուրընկալել է կինոյի մեծ վարպետ Արտավազդ Փելեշյանին

2019-04-19 18:12 , Культура, Шоу бизнес, 120

Հավատարմորեն ծառայում է արվեստին ու մշակույթին. ՀՀ նախագահ Արմեն Սարգսյանը հյուրընկալել է կինոյի մեծ վարպետ Արտավազդ Փելեշյանին

Հանրապետության նախագահ Արմեն Սարգսյանն ապրիլի 18-ին հյուրընկալել է Հայաստանի Հանրապետության ժողովրդական արտիստ, կինոյի մեծ վարպետ Արտավազդ Փելեշյանին:

Ինչպես տեղեկացրին Հայաստանի Հանրապետության նախագահի աշխատակազմի հասարակայնության հետ կապերի վարչությունից, ողջունելով անվանի կինոռեժիսորին՝ նախագահ Սարգսյանը բարձր է գնահատել նրա ավանդը հայ և համաշխարհային կինոյի զարգացման գործում և նշել, որ նա ժամանակակից հայ մշակույթի մեծագույն ներկայացուցիչներից է:

Անդրադառնալով Արտավազդ Փելեշյանի ստեղծագործություններին՝ Արմեն Սարգսյանն ասել է, որ նա համաշխարհային վավերագրական կինոյի հայտնի դեմքերից մեկն է, ով հավատարմորեն է ծառայում արվեստին ու մշակույթին՝ մեր ժողովրդին պարգևելով հպարտության բազմաթիվ պահեր:

Վավերագրական կինոյի վարպետը Հանրապետության նախագահին նվիրել է իր հեղինակած «Իմ աշխարհը և դաշտի միասնական տեսությունը» գիրքը:

Նախագահ Սարգսյանն Արտավազդ Փելեշյանին մաղթել է առողջություն և ստեղծագործական նորանոր թռիչքներ՝ համոզմունք հայտնելով, որ նա կշարունակի ուրախացնել իր արվեստի երկրպագուներին նոր և ինքնատիպ ստեղծագործություններով:

Лента

Рекомендуем посмотреть