Онлайн
Այսօր առավոտից Կոնստանտին Տեր-Նակալյանի, Նարեկ Սամսոնյանի և Արթուր Դանիելյանի նախաձեռնությամբ մայրաքաղաքի կենտրոնական որոշ փողոցներ, այդ թվում՝ Աբովյան, Ամիրյան, Հյուսիսային պողոտա, Հանրապետության հրապարակ, պատվել են #SutNikol գրություներով։
Նախաձեռնության 9 անդամներ բերման են ենթարկվել ոստիկանության Կենտրոնի բաժին:
Նրանց վերաբերյալ կազմվել է արձանագրություն՝ «Վարչական իրավախախտումների վերաբերյալ ՀՀ օրենսգրքի» 172․2 հոդվածի հատկանիշներով, որից հետո երիտասարդներն ազատ են արձակվել։
ՀՈԴՎԱԾ 172.2.ՀԱՍԱՐԱԿԱԿԱՆ ՎԱՅՐԵՐՆ ՕԳՏԱԳՈՐԾԵԼՈՒ ԿԱՆՈՆՆԵՐԸ ԽԱԽՏԵԼԸ
Փողոցները, մայթերը, հրապարակները, պուրակները, զբոսայգիները, մարզադաշտերը և հասարակական այլ վայրերն օգտագործելու` օրենքով կամ օրենքի հիման վրա արձակված վարչական ակտով սահմանված սահմանափակումները խախտելը`
առաջացնում է տուգանքի նշանակում` սահմանված նվազագույն աշխատավարձի քսանապատիկից մինչև վաթսունապատիկի չափով:
