Յուրաքանչյուր ամսվա վերջին շաբաթ օրը Հայաստանի Հանրապետության բոլոր քաղաքացիների համար Մատենադարանի մուտքը կլինի անվճար, իսկ զբոսավարի ծառայությունից օգտվել ցանկացողներն այդ ծառայության դիմաց պետք է վճարեն։
Որոշումը կայացվել է Մատենադարանի հոգաբարձուների խորհրդի՝ ապրիլի 6-ի նիստում։ Այդ մասին «Ռադիո Վան»-ի հետ զրույցում ասաց Մատենադարանի պաշտոնական կայքի խմբագիր Արամ Թորոսյանը՝ տեղեկացնելով, որ որոշումը ուժի մեջ է մտնելու ապրիլի 27-ից։
Որոշումը պայմանավորված է քաղաքացիների շրջանում մշակութային արժեքների հանրահռչակմամբ։
Մեր զրուցակցի փոխանցմամբ՝ Մատենադարանի հոգաբարձուների խորհուրդի որոշմամբ՝ որոշակի խումբ մարդկանց համար արտոնություններ է սահմանված, որոնք վերջերս թարմացվել են՝ ուժի մեջ մտնելով 2019թ․ հունվարի 1-ից։
Այսպես՝անվճար այցելության արտոնություն տրվում է.
* Հատուկ դպրոցների սաներին, թոշակառուներին, զինծառայողներին, Արցախի ազատամարտի մասնակիցներին, զոհված ազատամարտիկներիընտանիքների անդամներին,մինչև 6 տարեկան երեխաներին, I և II կարգի հաշմանդամներին, ԻԿՕՄ-ի անդամներին և ՀՀ թանգարանների աշխատողներին (համապատասխան փաստաթղթերով):
* Ռադիոգիդերը տրամադրվում են անվճար և 15 հոգանոց ու ավելի խմբերին:
* Տնօրենի հատուկ կարգադրությամբ:
Պատրաստեց՝ Լիաննա Մարգարյանը