Հայաստանի թատերական գործիչների միությունը Եվրամիության հայաստանյան պատվիրակության հետ համատեղ կիրականացնի «Կոմեդիա Պիրամի և Ֆիսբայի մասին» միջազգային թատերական նախագիծը: Այն նպատակ ունի մեկ ներկայացման մեջ միավորել Եվրամիության անդամ մի քանի երկրի և հայ դերասանների:
Ծրագրի յուրահատկությունն այն է, որ մասնակից երկրների դերասաններից յուրաքանչյուրը ներկայացման մեջ հանդես է գալու իր լեզվով: Բեմադրվելու է Շեքսպիրի «Միջամառային գիշերվա երազ» պիեսի մոտիվներով ստեղծված «Կոմեդիա Պիրամի և Ֆիսբայի մասին» ներկայացումը (պիեսի բեմական տարբերակն ու բեմադրությունը` Հակոբ Ղազանչյանի):
Բեմադրությունը նախատեսվում է ցուցադրել ոչ միայն Երևանում,այլև Հայաստանի այն քաղաքներում, որտեղ գործում են պրոֆեսիոնալ թատրոններ (Գյումրի, Վանաձոր, Գավառ, Գորիս, Կապան):
Երևանյան ցուցադրությունը տեղի կունենա ապրիլի 17-ին Հ. Պարոնյանի անվան կոմեդիայի պետական թատրոնում: