Онлайн
Մայրաքաղաք Երևանի 2800-ամյա հոբելյանի առթիվ Գերմանիայի Բադեն-Վյուրթեմբերգ երկրամասի, Շվեբիշ-Գմյունդ քաղաքի և Օստալբ շրջանի պատվիրակությունը Երևանին նվիրել է 2800 եղևնի։ Բնապահպանական նշանակությամբ նախաձեռնության նպատակը քաղաքին մնայուն հիշողություն թողնելն է եղել:
«Գալիս էին մի քաղաք, որը 2800-ամյա պատմություն ունի, մի մայրաքաղաք, որը համարվում է քրիստոնեության առաջին կրող պետության մայրաքաղաքը: Ինչ անեն, որ մնայուն լինի: Քահանա Կառլ-Հայնց Շայդեն առաջարկեց 2800 հատ ծառ նվիրել Երևանին»,- ասում է «Հուսո տուն բարեգործական կենտրոն» հիմնադրամի տնօրեն Մովսես Պողոսյանը:
Քաղաքապետարանից տեղեկացնում են, որ եղևնիներն այժմ քաղաքային տնկարանում մշտական խնամքի ներքո են: Դրանք որոշ ժամանակ անց կտեղափոխվեն ընդհանուր օգտագործման տարածքներ:
