Բրատիսլավան այս տարի կունենա գիշերային քաղաքապետ՝ դառնալով ԵՄ երկրների շարքում դառնալով այդ պաշտոնն ունեցող թվով չորրորդ մայրաքաղաքը։ Այդ մասին գրում է «Եվրո-պուլս»-ը։
Պաշտոնյան պատասխանատու է լինելու քաղաքում երեկոյան ժամերին և կեսգիշերից հետո կյանքի զարգացման համար և միջնորդ է լինելու գիշերային ակումբների սեփականատերերի և պաշտոնյաների միջև։
Գիշերային քաղաքապետի պարտականությունների մեջ է մտնելու նաև Բրատիսլավայի գիշերային կյանքի եկարաժամկետ ռազմավարության մշակումը։
Նշվում է, որ առաջին անգամ գիշերային քաղաքապետի պաշտոնը ստեղծվել է Ամստերդամում 2012 թվականին, երկու տարի անց՝ Լոնդոնում, իսկ վերջերս նաև Պրահայում։