Իրանի հարավ-արևելքում՝ Պակիստանի հետ սահմանին, նախօրեին տեղի ունեցած ահաբեկչության հետևանքով զոհերի թիվը հասել է 41-ի, զոհերի թվում Իսլամական հեղափոխության պահապանների կորպուսի ներկայացուցիչներ են։
«Ալ Ջազիրա»-ն նշում է, որ մահապարտ-ահաբեկչի թիրախում եղել են հենց Իսլամական հեղափոխության պահապանների կորպուսի անդամները: Մահապարտ ահաբեկիչը պայթուցիկով բեռնված մեքենայով բախվել է Հեղափոխության պահապանների կորպուսի անդամներին ավտոբուսին։
Իրանական լրատվական գործակալությունների փոխանցմամբ՝ հարձակման պատասխանատվությունը ստանձնել է սուննի մահմեդական անջատողական «Ջաիշ ալ-Ադլ» («Արդարության բանակ») խմբավորումը։