Խաչապուրին Վրաստանի մշակութային ժառանգության ոչ նյութական հուշարձանի կարգավիճակ է ստացել։ Որոշումը կայացրել է երկրի Մշակութային ժառանգության պահպանության գործակալությունը։
«Նովոստի Գրուզիա» լրատվական գործակալության հաղորդմամբ՝ գերատեսչությունում ընդգծում են, որխաչապուրին վրացական խոհանոցի կարևորագույն բաղադրիչը և երկրի խոհանոցային մշակույթի այցեքարտն է դարձել:
Ուտեստին մշակութային ժառանգության ոչ նյութական հուշարձանի կարգավիճակ տալով՝ Մշակութային ժառանգության պահպանության գործակալությունը նպատակ ունի հանրահռչակել Վրաստանի ազգային խոհանոցն ու մշակույթը։