«Դարն ապրած» մեքենաները ԶՈւ ավտոպարկում տեղ չեն ունենա

«Նոր մեքենաներով համալրմանը զուգընթաց՝ ավտոպարկից հանվում են այն բոլոր մեքենաները, որոնք իրենց «դարն ապրել են» տարիքային կամ անսարքության առումով։ Մոտակա ժամանակում նախատեսվում է տվյալ գործընթացը շարունակել»,-այդ մասին այսօր ՀՀ ՊՆ կենտրոնական հավաքակայանում լրագրողների հետ զրույցում ասել է ՀՀ զինված ուժերի գլխավոր շտաբի պետ Արտակ Դավթյանը՝ անդրադառնալով հարցին, թե ցավալի ավտոպատահարներից հետո թարմացվու՞մ է արդյոք ԶՈւ ավտոպարկը։

Գեներալ-մայորը տեղեկացրել է, որ վերջին 4 տարվա ընթացքում Զինված ուժերը համալրվել են 2000-ից ավելի նոր մեքենայով, գործընթացը շարունակական է լինելու և առանձնահատուկ ուշադրություն է դարձվում հատկապես ժամկետային զինծառայողների կողմից վարվող մեքենաներին։

Հավելենք, որ այսօր մեկնարկել է ձմեռային զորակոչը։