ՀՀ վարչապետի պաշտոնակատար Նիկոլ Փաշինյանը Շուշիի առանձնակի գումարտակի հրամանատար, «Սասնա Ծռեր» կուսակցության համահիմնադիր բեյրութահայ Ժիրայր Սեֆիլյանին ՀՀ քաղաքացիություն շնորհելու համար անհրաժեշտ բոլոր փաստաթղթերը ստորագրել է։ Այս մասին նա տեղեկացնում է ֆեյսբուքյան իր էջում։
«Երեկ ստորագրեցի Ժիրայր Սեֆիլյանին ՀՀ քաղաքացիություն շնորհելու համար անհրաժեշտ բոլոր փաստաթղթերը: Որոշումները դե յուրե ուժի մեջ կմտնեն ՀՀ նախագահի հրամանագիրը ստորագրվելուց հետո:
Հ.Գ. ՀՀ օրենսդրությամբ ետին թվով քաղաքացիություն շնորհելու ոչ մի սողանցք չկա: Հետևաբար՝ քաղաքացիությունն ուժի մեջ կմտնի այս տարվանից»,-գրել է Փաշինյանը։