Անշարժ գույքի կադաստրի կոմիտեից տեղեկացնում են, որ կոմիտեի Երևանի գրասենյակները (Կենտրոն, Արաբկիր, Շենգավիթ) վաղվանից կաշխատեն առանց հանգստյան օրերի, այսինքն, այցելուներին կսպասարկեն նաև շաբաթ և կիրակի։ Շաբաթ օրը՝ ժամը 9։00-ից 18։00-ն, կիրակի՝ ժամը 9։00-ից 13։00-ն, և ինչպես մյուս բոլոր օրերին՝ առանց ընդմիջման։
Նշվում է, որ շաբաթ-կիրակի օրերի համար աշխատողները կվարձատրվեն իրենց դրույքաչափի կրկնապատիկով։
Կադաստրի կոմիտեից միաժամանակ հայտնում են, որ մարզային գրասենյակները երկուշաբթի օրվանից կաշխատեն առանց ընդմիջման։