Онлайн
Երևանի ավագանու ԲՀԿ խմբակցությունը որոշում է կայացրել հրաժարվել իրեն տրամադրվող ծառայողական մեքենաներից։ Այդ մասին այսօր լրագրողների հետ հանդիպմանն ասել է ավագանու ԲՀԿ խմբակցության ղեկավար Արման Աբովյանը։
«Սրանով ցույց ենք տալիս մեր աշխատանքի հիմնական ուղղությունները։ Կոչ եմ անում մեր գործընկերներին նույն քաղաքականությունը որդեգրել, մեր ապագա քաղաքապետին, թաղապետերին՝ հրաժարվել ծառայողական մեքենաներից»,-նշել է Արման Աբովյանը, ում խոսքով պետք է մտածել Երևանի բյուջեն ոչ միայն ավելացնելու, այլև եղածն արդյունավետ ծախսելու ուղղությամբ։
Նշենք՝ Երևանի ավագանու սեպտեմբերի 23-ին կայացած արտահերթ ընտրությունների արդյունքներով «Բարգավաճ Հայաստան» կուսակցությունը 65 անդամից բաղկացած ավագանու կազմում ունենալու է 5 ներկայացուցիչ։
Պատրաստեց՝ Լիաննա Մարգարյանը
