Онлайн
Երևանի ավագանու արտահերթ ընտրությունների վերաբերյալ հայտարարություն է տարածել մասնակից քաղաքական ուժերից «Երկիր Ծիրանի» կուսակցությունը, որը, նշենք, նախնական արդյունքներով ստացել է քվեների 1,39 տոկոսը։
Կուսակցության հայտարարությունում ասված է․
«Սիրելի հայրենակիցներ,
Երևանի բնակիչները` անսալով վարչապետ Նիկոլ Փաշինյանի կոչերին՝ «հանուն Ազգային ժողովի լուծարման և հեղափոխության վերջնական հաղթանակի», ընտրողների 43.66%-ից 81.05% բացարձակ մեծամասնությունը ընտրեցին Հայկ Մարությանին որպես Երևանի քաղաքապետ:
Սիրելի երևանցիներ, ձեզ հետ միասին շարունակելու ենք պահանջատեր լինել քաղաքի խնդիրների լուծման գործում:
Շնորհավորում ենք երևանցիներին` առանց զանգվածային կեղծիքների, ընտրակաշառքների և լցոնումների անցած ընտրությունների կապակցությամբ:
Քաղաքական վերլուծությունը՝ ավելի ուշ»:
