16 հազարից՝ 25 500 դրամ․2019-ի հունվարից նվազագույն կենսաթոշակը կբարձրանա

Հայաստանում գալիք տարվանից 25 500 դրամից ցածր թոշակ չի լինելու։ Այդ մասին այսօր հայտարարել է ՀՀ աշխատանքի և սոցիալական հարցերի նախարար Մանե Թանդիլյանը՝ ներկայացնելով «Պետական կենսաթոշակների մասին» օրենքում լրացումներ և փոփոխություններ կատարելու մասին» նախագիծը։

Նախագծի նպատակը կենսաթոշակառուների շրջանում ծայրահեղ աղքատության հաղթահարումն է։

Հայաստանում ներկայում բազային թոշակը կազմում է 16 հազար դրամ:

Նվազագույն կենսաթոշակի ավելացումը պետական բյուջեի համար կարժենա լրացուցիչ 6,8 միլիարդ դրամ:

2019 թվականի հունիսի 1-ի դրությամբ կենսաթոշակառուների թիվը կանխատեսվում է 497 394։