Պաշտպանության բանակի հյուսիսային ուղղությամբ տեղակայված զորամասերից մեկում երեկ երեկոյան ժամը 9-ի սահմաններում դեռևս ամբողջությամբ չպարզված հանգամանքներում մահացել է ՊԲ 22-ամյա զինծառայող Վանիկ Արթուրի Գևորգյանը: Արցախի Հանրապետության պաշտպանության նախարարության մամուլի ծառայության հաղորդագրության համաձայն՝ նախնական վարկածը ինքնասպանությունն է, դեպքի մանրամասները պարզելու համար կատարվում է քննություն:
«Արցախի պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին, ասված է հաղորդագրությունում: