Онлайн

Թե ինչպես են աղջկա զգեստներով տղամարդիկ ներխուժել ոստիկանության բաժին՝ վնասվածքներ պատճառել աշխատակիցներին

2018-08-15 15:25 , Право, 2081

Թե ինչպես են աղջկա զգեստներով տղամարդիկ ներխուժել ոստիկանության բաժին՝ վնասվածքներ պատճառել աշխատակիցներին

ՀՀ ոստիկանությունից տեղեկացնում են, որ երեկ՝ օգոստոսի 14-ին, ժամը 4-ն անց 30-ից սկսած, ոստիկանության Կենտրոնականի բաժնում մի քանի րոպեն մեկ ահազանգեր են ստացվել: Մի քաղաքացի հայտնել է, որ «Կոմայգում» իրեն հարվածել են, մյուս ահազանգով խնդրել են ոստիկան ուղարկել «Շիրակ» հյուրանոց, հաջորդ զանգահարողը ասել է, որ նույն հյուրանոցում հարձակվել են իրենց վրա, դանակ ու զենք է եղել հարձակվողների մոտ, մի ուրիշն էլ նշում է, որ «Աստորիա» հյուրանոցի մոտ իր ընկերուհու վրա են հարձակվել:

Ոստիկանության օպերատիվ խումբը նշված տարածքում պարզել է, որ ըստ զանգահարողների հայտարարությունների՝ նրանք համասեռամոլներ են և նրանց հարվածել է մի քաղաքացի: Այդ քաղաքացուն ոստիկանները մարմնական վնասվածք պատճառելու կասկածանքով բերման են ենթարկել ոստիկանություն:

«Այսպես կոչված տուժած կողմը, իմանալով, որ կասկածյալին բերման են ենթարկում ոստիկանության Կենտրոնականի բաժին, հավաքվեցին ոստիկանության դիմաց, իսկ կասկածյալին բերման ենթարկելու պահին քաշքշուկ սկսեցին:

Իրավիճակը սրվեց, երբ բարձրաձայն հայհոյանքներից վրդովված՝ դուրս եկան հարակից տների բնակիչները:

Ոստիկանության ծառայողները փորձեցին հանդարտեցնել նրանց: Ցավոք ոստիկանների հանդուրժողականությունը համարժեք չգնահատվեց և առաջին հայացքից կանայք, սակայն իրականում աղջկա զգեստներով տղամարդիկ ու նրանց համախոհները ներխուժեցին ոստիկանության բաժին՝ բերման ենթարկվածին հայտնաբերելու և վրեժխնդիր լինելու համար՝ այդ ընթացքում մարմնական վնասվածքներ պատճառելով ոստիկանության երկու ծառայողի, որոնցից մեկը տեղափոխվեց հիվանդանոց: Ոստիկանները կարգի հրավիրեցին ոստիկանության բաժին ներխուժածներին»,-հայտնում են ոստիկանության լրատվական ծառայությունից՝ նշելով, որ պարզվել է ոստիկաններին մարմնական վնասվածք պատճառածների ինքնությունը՝ դավիթաշենցի, 21-ամյա Ժիրայր Հովհաննիսյան և երևանցի, 30-ամյա Մարատ Կիրիլյուկ:

Նշանակվել են փորձաքննություններ:

Նախապատրաստվում են նյութեր:

Лента

Рекомендуем посмотреть