Онлайн
«Քայլ դեպի տուն» ծրագրի մասնակիցներից մեկին կհյուրընկալի վարչապետի ընտանիքը․ այսօր սփյուռքի նախարարությունում նախարարի տեղակալ Դավիթ Սարգսյանի օգնությամբ վարչապետ Նիկոլ Փաշինյանի դուստրը՝ Շուշանը, ծրագրի մասնակիցների անունների գրառումներով տուփից պատահականության սկզբունքով ընտրել է վրացահայ 18-ամյա Լարիսա Ղարսլյանին:
«Մենք սիրով սպասում ենք Լարիսային մեր տանը և հուսով ենք՝ լավ ժամանակ կանցկացնենք իր հետ»,-սփյուռքի նախարարության լրատվության բաժնի հաղորդմամբ՝ նշել է Շուշան Փաշինյանը:
Նշենք, որ «Քայլ դեպի տուն»-ը «Արի տուն» և «Սփյուռք ամառային դպրոց» ծրագրերի միավորումն է: «Քայլ դեպի տուն» ուսումնա-ճանաչողական ծրագիրը նախատեսված է 13-21 տարեկան սփյուռքահայ երեխաների ու երիտասարդների համար և անցկացվելու է օգոստոսի 10-ից 24-ը:
Վարչապետի տանը մասնակիցներից մեկին հյուրընկալելու մասին ավելի վաղ հայտնել էին վարչապետի տիկին Աննա Հակոբյանը և սփյուռքի նախարար Մխիթար Հայրապետյանը:
