«Պետական վերահսկողական ծառայության ուսումնասիրության արդյունքում բացահայտված և օրենքով սահմանված կարգով ՀՀ վարչապետին զեկուցված հարցը արագ ընթացք ստացավ. ՀՀ ոստիկանության կողմից ձեռնարկվում են միջոցներ՝ մի շարք պաշտոնաթող գեներալներից հետ հավաքել ապօրինի հրամանով նրանց տրված գոլդ համարանիշերը»,-այդ մասին գրում է Պետական վերահսկողության ծառայության ղեկավար Դավիթ Սանասարյանը։
Վերահսկողական մարմինի ղեկավարը վստահեցնում է՝ «ոստիկանության և այլ իրավապահ մարմինների հետ համագործակցությամբ փակելու են հայտնի արտոնյալների դարաշրջանը…»:
Նշենք, որ «Ժամանակ» թերթի տեղեկություններով՝ վարչապետի հրամանով բարձրաստիճան նախկին բոլոր ոստիկաններից հավաքվել են նրանց մեքենաների ոստիկանական «գոլդ» պետհամարանիշերը։ Օրինակ՝ հետ է վերցվել նախկին ոստիկանապետ Վլադիմիր Գասպարյանի 999II 99 պետհամարանիշը։
Լուրը թերթի հետ զրույցում հաստատել է ոստիկանապետ Վալերի Օսիպյանը։
«Այո, այդ պետհամարանիշերի մի մասն արդեն հետ է վերցվել, և գործընթացը շարունակվում է։ Դրանք նորից չեն վաճառվելու։ Նախորդների փորձից հասկացվեց, որ դա նպատակահարմար չի»,-ասել է ոստիկանապետը»։
Պատրաստեց՝ Լիաննա Մարգարյանը