Онлайн
Մինչև 2023 թվականի ավարտը Հայաստանում և Վրաստանում նախատեսվում է ստեղծել արագ արձագանքման բժշկական թիմեր (ԱԱԲԹ), որոնք կհավաստագրվեն Առողջապահության համաշխարհային կազմակերպության կողմից և հնարավորություն կունենան մասնակցելու միջազգային մարդասիրական առաքելություններին:
Այդ մասին տեղեկացնում են ՀՀ առողջապահության նախարարությունից՝ նշելով, որ հայաստանյան Արագ արձագանքման բժշկական թիմը մասնակցել է Թբիլիսում կայացած անդրսահմանային աշխատաժողովին:
«Միջոցառումը կնպաստի տարածաշրջանային համագործակցության և համակարգման ընդլայնմանը»,- նշել է աշխատաժողովին առցանց ձևաչափով միացած առողջապահության նախարարի առաջին տեղակալ Լենա Նանուշյանը՝ շեշտադրելով արագ արձագանքման բժշկական թիմերի կարևորությունը:
