Онлайн
Հնդկական The Print պարբերականը հրապարակել է, թե ինչ նոր զինատեսակներ է Հայաստանը դիտարկում ձեռք բերել Հնդկաստանից։
«Ադրբեջանի հետ հարաբերություններում շարունակվող լարվածության համատեքստում Հայաստանը դիտարկում է Հնդկաստանից ավելի շատ պաշտպանական զինատեսակների ձեռքբերումը, այդ թվում՝ անօդաչու թռչող սարքերի, միջին հեռահարության երկիր-օդ հրթիռային համակարգերի, ինչպիսին է «Ակաշ»-ը («Akash»)»,-գրել է պարբերականը, որի հիշեցմամբ՝ սեպտեմբերի սկզբին Հնդկաստանը պայմանագիր է ստորագրել Հայաստանի հետ, որի շրջանակում Հայաստանը Pinakaհրթիռային համակարգեր, հրթիռներ և զինամթերքի լայն տեսականի կստանա։
Հիշեցնենք՝ երեկ Հնդկաստան կատարած այցի շրջանակում այդ երկրի պաշտպանության նախարարի հետ հանդիպմանը ՀՀ պաշտպանության նախարար Սուրեն Պապիկյանը քննարկել է ռազմատեխնիկական համագործակցության հարցեր։
Ավելի ուշ տարածած հաղորդագրությամբ պաշտպանության նախարարությունը հայտնել է, որ նախարար Պապիկյանն այցելել է Գանդինագար քաղաքում բացված DEFEXPO ցուցահանդես, շրջել է ցուցահանդեսի տաղավարներով, ծանոթացել ներկայացված ցուցանմուշներին, զրուցել մի շարք ընկերությունների ղեկավարների հետ:
