Онлайн
Հայաստանի Հանրապետության գլխավոր դատախազությունում ուսումնասիրվել են Ռուսաստանի Դաշնության (ՌԴ) Անվտանգության դաշնային ծառայության (ԱԴԾ) կողմից այսօր տարածված տեղեկությունները և զանգվածային տարբեր լրատվամիջոցներում առկա հրապարակումները:
Նկատի ունենալով, որ հրապարակումը պարունակել է առերևույթ հանցանքի մասին վկայող տեղեկություններ՝ Գլխավոր դատախազությունը հայտնում է, որ դրանք հասցեագրել է ՀՀ ԱԱԾ քննչական դեպարտամենտ՝ քրեական վարույթ նախաձեռնելու հարցը լուծելու հանձնարարությամբ:
Օրենքով նախատեսված գործիքակազմի, այդ թվում՝ միջազգային փոխօգնության ինստիտուտի կիրառմամբ, Գլխավոր դատախազությունը հետևողական է լինելու հրապարակված տեղեկատվության հանգամանքները ամբողջությամբ բացահայտելու ուղղությամբ:
Նշվում է, որ արդյունքների մասին կտրամադրվի լրացուցիչ տեղեկատվություն:
