Օդում փոշու կոնցենտրացիան երեկ ամենաշատը գերազանցվել է Նոր Նորքում՝ 12 անգամ

Հիդրոօդերևութաբանության և մոնիթորինգի կենտրոնը ներկայացրել է սեպտեմբերի 15-21 Երևանում մթնոլորտային օդի որակը։

Ըստ այդմ՝ երեկ՝ սեպտեմբերի 21-ին, Երևան քաղաքում դիտված փոշեփոթորիկի հետևանքով մթնոլորտային օդում փոշու կոնցենտրացիան գերազանցել է սահմանային թույլատրելի կոնցենտրացիան՝

-Կենտրոնում և Արաբկիրում՝ 4․9 անգամ,

-Շենգավիթում՝ 8․4 անգամ,

- Նոր Նորքում՝ 12 անգամ։

Փոշու պարունակությունը գերազանցել է սահմանային թույլատրելի կոնցենտրացիան Կենտրոն վարչական շրջանում սեպտեմբերի 16-ին, 17-ին, 19-ին, 20-ին, Շենգավիթում՝ սեպտեմբերի 17-ին, Արաբկիրում՝ սեպտեմբերի 17-ին, 19-ին, Նոր Նորքում՝ սեպտեմբերի 17-ին, 20-ին։

Ազոտի երկօքսիդի պարունակությունը գերազանցել է սահմանային թույլատրելի կոնցենտրացիան Կենտրոն վարչական շրջանում սեպտեմբերի 17-20-ը, Նոր Նորքում՝ սեպտեմբերի 18-ին և 20-ին։

Ծծմբի երկօքսիդի պարունակությունը գերազանցել է սահմանային թույլատրելի կոնցենտրացիան Կենտրոնում, Շենգավիթում և Նոր Նորքում սեպտեմբերի 20-ին։