Ժամը 20:00-ի սահմաններում Ադրբեջանը կրակ է բացել հայկական դիրքերի ուղղությամբ, կա մեկ վիրավոր. ՊՆ

Սեպտեմբերի 21-ին, ժամը 20:00-ի սահմաններում Ադրբեջանի զինված ուժերի (ԶՈւ) ստորաբաժանումները ականանետերի և խոշոր տրամաչափի հրաձգային զինատեսակների կիրառմամբ կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ:

Այդ մասին հայտնում է ՀՀ պաշտպանության նախարարությունը (ՊՆ)՝ նշելով, որ պատասխան գործողություններով հակառակորդի կրակը լռեցվել է:

«Հայկական կողմից կա մեկ վիրավոր:

Ժամը 21:30-ի դրությամբ իրադրությունը հայ-ադրբեջանական սահմանին կայուն է, կրակոցներ չկան»,-ասված է հաղորդագրությունում: