Ոստիկանության՝ «Եռաբլուր»-ի գործողություններն ուսումնասիրվում են - RadioVan.fm

Онлайн

Ոստիկանության՝ «Եռաբլուր»-ի գործողություններն ուսումնասիրվում են

2022-09-21 16:47 , Право, 187

Ոստիկանության՝ «Եռաբլուր»-ի գործողություններն ուսումնասիրվում են

ՀՀ ոստիկանությունը հայտարարություն է տարածել՝ տեղեկացնելով, որ սեպտեմբերի 21-ին ոստիկանության ծառայողները «Եռաբլուր» զինվորական պանթեոնում կազմակերպված միջոցառումների ժամանակ իրականացրել են իրենց գործառութային պարտականությունները, ինչի ընթացքում տարածքից ոստիկանություն են բերվել քաղաքացիներ:

«Ոստիկանության պետի հանձնարարությամբ այդ գործողություններն ուսումնասիրվում են, և հանրությունը կիրազեկվի արդյունքների մասին:

Հորդորում ենք միջադեպը չօգտագործել քաղաքական նպատակներով ու նկատառումներով:

Չմոռանանք, որ ոստիկանությունը առաջին իսկ օրվանից մասնակիցն է մեր ազատության և անկախության համար մղվող պայքարի, և Եռաբլուրը նույնպիսի սրբավայր է նաև ոստիկանության ծառայողների համար. այնտեղ ննջում են Հայրենիքին իրենց կյանքը զոհաբերած նրանց տասնյակ ծառայակիցներ: Եվ զավակ կորցրած բոլոր ծնողների վիշտն էլ յուրաքանչյուր ոստիկան վերապրում է նույն ցավով, որ կրել ու կրում է իր զոհված ընկերների ծնողների հետ:

Եռաբլուրը բոլորիս սրբատեղին է և բոլորինս են չնվազող ցավն ու խորին խոնարհումը մեր հերոսների պայծառ հիշատակի առաջ»,-ասված է հաղորդագրությունում:

Հիշեցնենք՝ այսօր «Եռաբլուր» զինվորական պանթեոն ՀՀ բարձրաստիճան պաշտոնյաների մուտքը խոչըդոտելու նպատակով ակցիա իրականացնող զոհված զինծառայողների շուրջ 4 տասնյակ ծնողի բերման են ենթարկել։

Փաստաբանը հայտնել է, որ նրանց մի մասը վնասվածքներ է ստացել:

Лента

Рекомендуем посмотреть