Онлайн
Այսօր Արցախի Հանրապետության (ԱՀ) պետականության հռչակման 31-ամյակն է։
1991-ի սեպտեմբերի 2-ին՝ ԼՂԻՄ մարզային և Շահումյանի շրջանային խորհուրդների համատեղ նստաշրջանի որոշմամբ հայկական երկրորդ պետությունը անկախություն հռչակեց։
Արցախի Հանրապետության օրվա առթիվ նախագահ Արայիկ Հարությունյանը երրորդ նախագահ Բակո Սահակյանի հետ այսօր այցելել է Ստեփանակերտի հուշահամալիր և Զինվորական պանթեոն, ծաղկեպսակներ ու ծաղիկներ է դրել Արցախի անկախության ու ազատության համար զոհված ազատամարտիկների շիրիմներին:
Պաշտոնական արարողությանը մասնակցել են ՀԱԵ Արցախի թեմի առաջնորդ Վրթանես եպիսկոպոս Աբրահամյանը, Արցախի բարձրաստիճան պաշտոնյաներ, Պաշտպանության բանակի հրամկազմի ներկայացուցիչներ, հյուրեր Հայաստանի Հանրապետությունից:
Այնուհետև ՆԳ նախարար Կարեն Սարգսյանը ոստիկանության պետ Արտյոմ Հարությունյանի, ԱԻՊԾ տնօրեն Մեխակ Արզումանյանի և համակարգի մի խումբ ծառայողների ուղեկցությամբ, Զինվորական պանթեոնում հարգանքի տուրք է մատուցել հայրենիքի փրկության համար անմահացած ոստիկանների, փրկարարների շիրիմներին, ծաղիկներ խոնարհել և խնկարկել անկախության համար իրենց կյանքը նվիրաբերած հերոսների հիշատակին:
