Онлайн
Մինչ այս պահը Հայաստանում կապիկի ծաղիկի որևէ դեպք չի գրանցվել:
Այդ մասին կառավարության նիստից հետո լրագրողների հետ ճեպազրույցում ասել է ՀՀ առողջապահության նախարարը՝ հաստատելով, որ Հայաստանը հիվանդության ախտորոշման համար Ռուսաստանից կապիկի ծաղիկի թեստեր է ստացել։
«Այո՛, մենք Ռուսատանի Դաշնությունից ստացել ենք կապիկի ծաղիկի թեստավորման հավաքածուները և մշտապես ցանկացած կասկածի պարագայում միանշանակ օգտագործում ենք։ Մինչ այս պահը իրականացրած հետազոտությունների արդյունքները բացասական են եղել և Հայաստանում որևէ դեպք չի գրանցվել»,-մանրամասնել է Անահիտ Ավանեսյանը։
