Աշխատավարձի բարձրացման պահանջով վաղ առավոտյան գործադուլ հայտարարած մետրոյի մեքենայավարները վերադարձել են աշխատանքի

Կարեն Դեմիրճյանի անվան Երևանի մետրոպոլիտենից այսօր հայտնել էին, որ մեքենայավարներն առավոտյան ժամը 06:00-ից գործադուլ են սկսել՝ պահանջելով աշխատավարձի բարձրացում։

Հաղորդվել էր, որ բոլոր կայարանների դռները փակ են, մետրոպոլիտենի տնօրինությունը բանակցում է մեքենավարների հետ՝ ակնկալելով, որ նրանք րոպե առաջ կանցնեն իրենց աշխատանքային պարտականությունների բնականոն կատարմանը։

Ավելի ուշ հաղորդվեց, որ Մետրոպոլիտենի տնօրինության և աշխատանքի դուրս չեկած մեքենավարների միջև բանակցությունների արդյունքում՝ ժամը 09:30-ից մետրոպոլիտենի բնականոն աշխատանքը վերականգնվել է։