Վառելիքի թերլցման համար կսահմանվի տուգանք. օրենքի նախագիծ է շրջանառվել - RadioVan.fm

Онлайн

Վառելիքի թերլցման համար կսահմանվի տուգանք. օրենքի նախագիծ է շրջանառվել

2022-07-04 16:45 , Политика, 688

Վառելիքի թերլցման համար կսահմանվի տուգանք. օրենքի նախագիծ է շրջանառվել

ՀՀ Ազգային ժողովի (ԱԺ) «Քաղաքացիական պայմանագիր» խմբակցությունը ֆեյսբուքյան գրառմամբ հայտնում է, որ խմբակցության պատգամավոր Ծովինար Վարդանյանը և Բաբկեն Թունյանը շրջանառության մեջ են դրել օրենքի նախագիծ:

Նշվում է, որ նախագծի ընդունման պարագայում հեղուկ վառելիքի, սեղմված բնական կամ հեղուկացված նավթային կամ ածխաջրածնային գազերի մանրածախ առևտրի կետերում թերլիցքավորում հայտնաբերվելու դեպքում բաշխիչ կայանների վրա, վարորդին տեսանելի հատվածում մեկ ամիս ժամկետով փակցվելու է «ՄԵՆՔ ՏՈՒԳԱՆՎԵԼ ԵՆՔ ԹԵՐԼԻՑՔԱՎՈՐՄԱՆ ՀԱՄԱՐ» գրառմամբ ցուցանակ:

«Տնտեսվարող սուբյեկտները (ըստ հասցեների) կունենան QR կոդեր, որոնց միջոցով վարորդները կարող են ծանոթանալ չափագիտության բնագավառում տնտեսվարողի մոտ իրականացված նախորդ ստուգումների ժամկետների և արդյունքների մասին տեղեկատվությանը:

Թերլցման համար կսահմանվի տուգանք կազմակերպության այն հասցեի նկատմամբ, որը կատարել է տվյալ խախտումը՝ տուգանքի հաշվարկում ներառելով տվյալ տնտեսվարողի շրջանառությանը վերաբերող գործակից:

Վերոնշյալ փոփոխությունները միտված են ներդնել հանրային վերահսկողության գործիքներ, բարձրացնել տնտեսվարողի գործունեության թափանցիկության մակարդակը և սահմանել առավել համաչափ տուգանքներ»,-ասված է հաղորդագրությունում:

Лента

Рекомендуем посмотреть