2023-ից նվազագույն աշխատավարձը 68 հազար դրամից կդառնա 75 հազար դրամ, կբարձրանա նաև կենսաթոշակի չափը

Անդրադառնալով կենսաթոշակների բարձրացմանը՝ Նիկոլ Փաշինյանը նշել է. «Դա նաև մեր նախընտրական ծրագրի մեջ էր գրված, որ

Կառավարությունը հավանության է արժանացրել 2023-2025 թվականների պետական միջնաժամկետ ծախսերի ծրագիրը, որի շրջանակում 2023 թվականի հունվարի 1-ից Հայաստանում կենսաթոշակների չափը կբարձրանա:

Կառավարության այսօրվա նիստում ՀՀ վարչապետ Նիկոլ Փաշինյանն ընդգծելով, որ դա իրենց նախընտրական ծրագրի կետերից է, ասել է, որ կենսաթոշակների բարձրացման բանաձևերի մասին առաջիկայում ավելի մանրամասն կխոսեն:

«Մենք կունենանք նվազագույն աշխատավարձի բարձրացում: Նախատեսվում է, որ նվազագույն աշխատավարձը 68 000 դրամից կդառնա 75 000 դրամ, որն արդեն գործակիցներով կհաշվարկվի»,-տեղեկացրել է գործադիրի ղեկավարը։

2023-ին նաև լրացուցիչ միջոցներ են հատկացվելու հանրային ծառայողների աշխատավարձերի բարձրացման համար։

Ֆինանսների նախարար Տիգրան Խաչատրյանն էլ հայտնել է, որ աշխատավարձերի ֆինանսավորման ավելացմանը հաջորդ տարի 17,3 միլիարդ դրամ է ուղղվելու։