«Վարդապետյանն իր մեջ կարող է համատեղել լավագույն պրոֆեսիոնալի, գործնական լավագույն հմտություներ ունեցող անձի բոլոր հատկությունները»․ Վարդանյանը՝ գլխավոր դատախազի իրենց թեկնածու մասին

Ազգային ժողովն (ԱԺ) այսօր հրավիրված արտահերթ նիստում օրակարգային 5 հարցերից մեկով քննարկում է գլխավոր դատախազի ընտրության հարցը։

Հիշեցնենք՝ այդ պաշտոնում իշխող «Քաղաքացիական պայմանագիր» (ՔՊ) խմբակցությունն առաջադրել է ՀՀ վարչապետի օգնական Աննա Վարդապետյանի թեկնածությունը։

Վարդապետյանին խորհրդարանականներին ներկայացրել է ԱԺ պետական-իրավական հարցերի մշտական հանձնաժողովի նախագահ, ՔՊ խմբակցության պատգամավոր Վլադիմիր Վարդանյանը, ներկայացրել է թեկնածուի կենսագրությունը, ապա, իր խոսքով, «առաջ ընկնելով»՝ անդրադառնալով մամուլում մինչ այս տարածված և տարածվող քննարկումներին՝ ընդգծել է․

«Պետք է ասեմ՝ հիշատակելով Բեռնարդ Շոուի հայտնի արտահայտությունը. «Տիկին Վարդապետյա՛ն, Ձեր մասին այնքան վատ բան եմ լսել, որ համոզված եմ, որ դուք արտակարգ անձնավորություն եք»:

Վլադիմիր Վարդանյանի խոսքով՝ Վարդապետյանն իր մեջ կարող է համատեղել լավագույն պրոֆեսիոնալի, արտակարգ տեսաբանի և գործնական լավագույն հմտություներ ունեցող անձի բոլոր հատկությունները:

Քննարկման մանրամասները՝ տեսանյութում։