ՀՀ փոխվարչապետը հայտարարել է սահմանային և մաքսային հսկողության հարցերի շուրջ Բաքվի հետ դիրքորոշումների մոտեցման մասին - RadioVan.fm

Онлайн

ՀՀ փոխվարչապետը հայտարարել է սահմանային և մաքսային հսկողության հարցերի շուրջ Բաքվի հետ դիրքորոշումների մոտեցման մասին

2022-06-29 17:25 , Политика, 136

ՀՀ փոխվարչապետը հայտարարել է սահմանային և մաքսային հսկողության հարցերի շուրջ Բաքվի հետ դիրքորոշումների մոտեցման մասին

Տարածաշրջանային հաղորդակցությունների ապաշրջափակման հարցերով Հայաստանի, Ադրբեջանի և Ռուսաստանի փոխվարչապետների աշխատանքային խումբը կարողացել է շատ հարցերի, մասնավորապես՝ սահմանային և մաքսային հսկողության վերաբերյալ. ռուսական ՏԱՍՍ լրատվական գործակալության փոխանցմամբ՝ ասել է Հայաստանի փոխվարչապետ Մհեր Գրիգորյանը:

«Կառուցողական եմ համարում Հարավային Կովկասում տրանսպորտային կապերի ապաշրջափակման եռակողմ աշխատանքային խմբի գործունեությունը: Սա, իհարկե, բարդ աշխատանք է, բայց պետք է նշեմ, որ կողմերին հաջողվում է մոտեցնել իրենց դիրքորոշումները սահմանային և մաքսային հսկողության բազմաթիվ հարցերի շուրջ, ինչպես նաև՝ Հայաստանի և Ադրբեջանի տարածքներով ավտոմոբիլային և երկաթուղային ճանապարհներով քաղաքացիների անվտանգ երթևեկության, տրանսպորտային միջոցների և բեռների տեղաշարժի վերաբերյալ»,-ասել է Գրիգորյանը՝ տեղեկացնելով, որ «այս պահին փորձագիտական ենթախմբերը շարունակում են ավտոմոբլիլային ու երկաթուղային ենթակառուցվածքների վերականգնման ու հետագա օգտագործման հետ կապված հարցերի մշակումը»։

Лента

Рекомендуем посмотреть