«Վստահ կարող ենք արձանագրել, որ արցախցին ամուր է և տեր իր հայրենիքին»․ «Դիմադրության» անդամները հանդիպել են Արցախի քաղաքական ուժերի հետ - RadioVan.fm

Онлайн

«Վստահ կարող ենք արձանագրել, որ արցախցին ամուր է և տեր իր հայրենիքին»․ «Դիմադրության» անդամները հանդիպել են Արցախի քաղաքական ուժերի հետ

2022-06-23 18:09 , Политика, 97

«Վստահ կարող ենք  արձանագրել, որ արցախցին ամուր է և տեր իր հայրենիքին»․ «Դիմադրության» անդամները հանդիպել են Արցախի քաղաքական ուժերի հետ

«Դիմադրություն» շաժման ներկայացուցիչները հունիսի 21-23-ը եռօրյա այցով գտնվել են Արցախի Հանրապետությունում (ԱՀ), հանդիպումներ ունեցել քաղաքական ուժերի, ԱՀ Ազգային ժողովի բոլոր խմբակցությունների, պետական կառույցների ներկայացուցիչների և ԱՀ պաշտոնաթող նախագահների հետ:

ՀՀ ԱԺ փոխնախագահ Իշխան Սաղաթելյանը, պատգամավորներ Տիգրան Աբրահամյանը, Աղվան Վարդանյանը, Արամ Վարդևանյանը, Արթուր Սարգսյանը և Գեղամ Մանուկյանը Արցախի ԱԺ պատգամավորների հետ այցելել են Ասկերանի, Մարտակերտի եւ Մարտունու շրջաններ, հանդիպել բնակիչների, ՏԻՄ ղեկավարների հետ:

Առանձին հանդիպում է կայացել նաև Ստեփանակերտի քաղաքապետարանում՝ մայրաքաղաքի վարչական ղեկավարության, աշխատակազմի, կրթական ու մշակութային հաստատությունների տնօրենների մասնակցությամբ:

ՀՀ Ազգային ժողովի փոխնախագահ, «Դիմադրություն» շարժման համակարգող Իշխան Սաղաթելյանը հայտնում է, որ հանդիպումների ընթացքում ներկայացրել է շարժման ընթացքը, մարտահրավերներն ու առաջիկա անելիքները:

Ընդգծվել է, որ «Դիմադրություն» շարժման՝ առավել համահայկական ու ընդգրկուն դարձնելու համատեքստում առանցքային տեղ ունի Արցախի Հանրապետությունը։

«Պայմանավորվածություններ են ձեռք բերվել, որ հակառակ Հայաստանի օրվա իշխանությունների՝ Արցախի Հանրապետության հետ ողջամիտ ու պատշաճ փոխգործակցության բացակայությանը, պետք է իրականացվեն համատեղ ծրագրեր և փոխայցելություններ։

Վերահաստատվել է, որ Արցախի իշխանությունների և ժողովրդի համար ուղենիշ է մնում 2022 թվականի ապրիլի 14-ին ԱՀ ԱԺ-ի կողմից միաձայն ընդունված հայտարարությունը, որում ամրագրվել են Արցախի ապագայի շուրջ առանցքային սկզբունքներն ու կարմիր գծերը»,-փոխանցում են «Հայաստան Դաշինքից»:

«Վստահ կարող ենքարձանագրել, որ արցախցին ամուր է և տեր իր հայրենիքին»,-իր հերթին ֆեյսբուքյան գրառման մեջ ընդգծել է Իշխան Սաղաթելյանը:

Лента

Рекомендуем посмотреть