Онлайн
«Միջազգային շուկայում կարագի գների նվազումը կբերի Հայաստանում այդ ապրանքատեսակի գնի նվազմանը»,-այս մասին այսօր լրագրողների հետ հանդիպմանն ասել է Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը:
Նրա խոսքով՝ «նոր զելանդական» կարագի գները սկսել են կայունանալ, նկատվում է նաև նվազում: «Ակնկալվում է, որ առաջիկա երկու-երեք ամիսների ընթացքում դա կանդրադառնա տեղական շուկայի վրա»,-նշել է հակամրցակցային մարմնի ղեկավարը:
Նա նաև ընդգծել է, որ Հայաստանում էժանացել է շաքարավազի գինը՝ մոտ 14 տոկոսով, հավի միսը՝ 22 տոկոսով, ձեթը՝ 5 տոկոսով, ալյուրը՝ 6 տոկոսով, հնդկաձավարը՝ 52 տոկոսով:
